निर्णयहरू

संरचनाहरूको खारेजी, एकीकरण तथा पुनर्संरचना सम्बन्धी प्रतिवेदन (भाग-१) कार्यान्वयन गर्ने।

नेपाल सरकार (कार्य विभाजन) नियमावली, २०८३ स्वीकृत गर्ने।

ई-गभर्नेन्स बोर्ड (गठन तथा सञ्चालन) (दोस्रो संशोधन) आदेश, २०८३ स्वीकृत गर्ने।

सरकारी लगानी व्यवस्थापन समितिका सदस्यमा प्रतिनिधि सभाका सदस्य माननीय सुशील खड्का, बागलुङ र माननीय योगेश गौचन थकाली, मुस्ताङलाई मनोनयन गर्ने।

प्रसौनी विरगञ्ज १३२ के.भी. भूमिगत विद्युत प्रसारणलाइन आयोजनाका लागि बारा जिल्लाको परवानीपुर गाउँपालिकामा करिव १४ धुर निजी जग्गा प्राप्ति गर्न स्वीकृति प्रदान गर्ने।

नेपाल विद्युत प्राधिकरण, उदयपुर वितरण केन्द्रको कार्यालय निर्माण गर्न उदयपुर जिल्ला, त्रियुगा नगरपालिकामा करिव ७ कट्ठा र अनारमनी वितरण केन्द्रको प्रशाखा कार्यालय निर्माण गर्ने झापा जिल्ला, कन्काई नगरपालिकामा करिव ५ कट्ठा निजी जग्गा प्राप्ति गर्न स्वीकृति प्रदान गर्ने।

नेपाल विद्युत प्राधिकरण, बझाङ वितरण केन्द्रको भवन निर्माण गर्न बझाङ जिल्ला, जयपृथ्वी नगरपालिकामा करिब १३०० वर्गमिटर निजी जग्गा प्राप्ति गर्न स्वीकृति प्रदान गर्ने।

पूर्वाधार न्यायाधिकरणको गठन सम्बन्धमा व्यवस्था गर्न बनेको विधेयक तर्जुमा गर्न सिद्धान्त स्वीकृत गर्ने।

नेपाल इन्जिनियरिङ परिषद् ऐन, २०५५ को अनुसूची संशोधन गर्ने।

नेपाली सेना, सैनिक साधारण सेवाका दुईजना महासेनानीलाई सहायक रथी दर्जामा बढुवा गर्ने।

नेपाली सेना, सैनिक साधारण सेवा, सैनिक हवाई सेवा तथा सैनिक प्राविधिक सेवाका आठ जना महासेनानीहरूको सरुवा गर्ने।

माथिल्लो त्रिशुली-१ जलविद्युत आयोजनालाई बढीमा ७ वर्षसम्म अस्थायी रूपमा प्रयोग गर्न स्वीकृति प्रदान गरीएको रसुवा जिल्लाको कालिका गाउँपालिका-१ मा रहेको राष्ट्रिय वनको २.८० हेक्टर जग्गा पूर्वसम्झौताका सर्तबमोजिम हुने गरी २०८५ असोज २२ गतेसम्म प्रयोग गर्न दिने गरी म्याद थप गर्न स्वीकृति दिने।

जनवादी गणतन्त्र चीनको हाइझाउ सहरसँग भगिनी सम्बन्ध स्थापना गर्न ललितपुर महानगरपालिकालाई पूर्वस्वीकृति प्रदान गर्ने।

नेपाल सरकार (कार्यविभाजन) नियमावली, २०८३ अनुरूप हुने गरी सङ्घीय मन्त्रालयका सचिवहरूको दरबन्दी र सङ्ख्या मिलान गर्ने सम्बन्धमा नेपाल सरकारसमक्ष सिफारिस गर्न नेपाल सरकारका मुख्यसचिवको अध्यक्षतामा पाँच सदस्यीय समिति गठन गर्ने।

नेपाल धितोपत्र बोर्डको रिक्त अध्यक्ष पदमा नियुक्ति गर्न सिफारिस गर्ने प्रयोजनको लागि गठित समिति पुनर्गठन गर्ने।

राष्ट्रिय सहकारी नियमन प्राधिकरणको अध्यक्ष पदमा अर्को व्यवस्था नभएसम्मको लागि भूमि व्यवस्था, सहकारी तथा गरिबी निवारण मन्त्रालयका सचिव श्री मदन भुजेललाई काम गर्न तोक्ने।

नेपाल स्वास्थ्य सेवा नियमावली, २०५५ को अनुसूची-३ र ४ मा हेरफेर तथा थपघट गर्ने।

सम्माननीय राष्ट्रपतिज्यूबाट संघीय संसदको दुवै सदनको संयुक्त बैठकलाई संवत् २०८३ साल वैशाख २८ गते सोमबारका दिन हुने सम्बोधन स्वीकृत गर्ने।

पूर्व गृहमन्त्री एवं प्रतिनिधिसभा सदस्य माननीय सुधन गुरुङको सम्बन्धमा उठेका विषयहरूमा अध्ययन तथा छानबिन गर्न उच्च अदालतका पूर्वन्यायाधीश श्री अच्युत प्रसाद भण्डारीको अध्यक्षतामा तीन सदस्यीय समिति गठन गर्ने।

भ्रष्टाचार विरूद्धको दोस्रो राष्ट्रिय रणनीतिक योजना (२०८२/८३-२०८७/८८) स्वीकृत गर्ने विषयको प्रस्ताव मन्त्रिपरिषद्, विधेयक समितिमा छलफल गरी पेश गर्ने।